خۆپیشاندانی هاوڵاتییەکان گەڕەکی ئەشرەفییە و شێخ مەقسوود لە دژی گەمارۆ بەردەوامە، تا ئێستا بەهۆی هێرشەکانی هێزەکانی ئەحمەد شەرعەوە ١٥ هاوڵاتی بریندار بوون.
سەدان کەس لە دانیشتووانی گەڕەکەکانی شێخ مەقسود و ئەشرەفییە لە حەلەب کە کوردن، لە دژی ئەو بازگە و ساترانە، کە لەلایەن هێزەکانی حکومەتی کاتیی دیمەشقەوە بۆ گەمارۆدانی گەڕەکەکان دانراون، ناڕەزایەتییان دەربڕی و دەستیان بە خۆپیشاندان کرد.
لە ئێستادا هێزەکانی سەر بە حکومەتیی کاتیی سوریا بە چەکی قورسەوە هێرشیان کردە سەر خۆپیشاندانەکان و بەپێی زانیارییەکان، ١٥ هاوڵاتی مەدەنی برینداربوون.
بەمەبەستی پاراستنی گیانی هاوڵاتییان دانیشتوانی ئەو گەڕەکانە وەڵامی هێرشەکانیان داوەتەوە و ڕووبەڕووبوونەوە بەردەوامە.
لەبەرامبەردا میدیای فەرمی سوریا بڵاویكردوەتەوە، هیچ جۆرە گەمارۆیەكی ئەو گەڕەكە كوردنشینانە نەدراوە بەڵكو تەنیا لەلایەن هێزی ئاسایشی ناوخۆوە چاودێری جموجۆڵی هێزەكانی سەر بەهەسەدە دەكرێت.
حەلەب
کورد لە سوریا
ئەحمەد شەرع