دیاکۆ عدنان عبدالخالق
کارەساتی ۱۷ ی شوبات پەڵەیەکی ڕەش بە ناو چەوانی دەسەڵات دارانی هەرێمی کوردستان یەکێتی و پارتی ،ئەو دەسەڵاتەی هەمیشە بوونەتە پارێزەر و داڵدەدەری تاوان باران و دەیان پارێزێت
حەڤدەی شوبات خۆپشاندانێکی جەماوەری بوو دژی ستەم و دەسەڵاتی خۆسەپێن و قۆرخکاری دەسەڵات ،پێکهاتبوون لە هەموو چین و توێژەکانی کۆمەڵگا هەر لە خوێندکار و مامۆستا و کاسبکار و حزی ئۆپزیسیۆن هتد… ڕژانە سەر شەقەمەکان و پەیامیان دا بە دەسەڵات داران بۆ گۆڕینی ڕێڕەوی دەسەڵا و لادانی دەمو چاوەکۆنەکان و بردنە پێشوەی کەسانی شیاو بۆ خزمەتی میلەت و باشترکردنی بژێووی ژیانی و گوزەرانی گەل. هەر لە شاری سلێمانی سەرای ئازادی بوو بە بنکەی ناڕەزایەتیەکان وە لە شاری هەولێر ڕێگە بە خۆپشادان نەدرا و پارتی دەستی کرد بە ڕەشبگیری مامۆستا و چالاکوان و خەڵکی مەدەنی و داخستنی ڕێگای هاتووچۆی هەولێر _سلێمانی .هاوڵاتیان بەردەوام بوون لە ناڕەزایەتیەکانیان بۆ فشارخستنە سەر دەسەڵات لە ڕێگای چالاکی مەدەنیەوە
بەڵام وەک هەمیشە دەسەلاتی چەتەگەری و شەمشەمەکوێرەکانی دەسەڵات بەربوونە گیانی خۆپشاندەران و بە فیشەک جوابی گەلیان دایەوە و چەندان کەس شەهید بوون لە هەموو شار و شارۆچکە جیاجیاکان لەهەموو چینەکان بەتایبەت گەنج و مناڵ!وەک دەڵێن داری ئازادی دەبێت بە خوێن ئاوبدرێت .
بەردەوامی خۆپشاندانەکان تا ۱۹ ی نیسانی هەمان ساڵ بوو کە ئەوە بوو لەو ڕۆژەدا یەکێتی نیشتمانی کوردستان هێزێکی زۆری بردە ناو شاری سلێمانی بە چەندان چەکی قورس و سوکەوە و دەستی کرد بە ڕەشبگیری وە ٤٥ خوێندکاری لاو بریندار کران و کۆتایان بە خۆپشاندانەکان هێنا و سەرکوت کرا.
سەربەرزی بۆ شەهیدانی حەڤدەی شوبات و هەموو شەهیدانی ڕێگای ئازادی و سەر شۆڕی بۆ یەکێتی و پارتی
ژمارە و ناوی شەهیدانی حەڤدەی شوبات:ـ
۱ـ شەهید ڕێژوان علی
۲ـ شەهید هەردی فارووق
۳ـ شەهید سورکێو زاهد
٤ـ شەهید شێرزاد تەها
٥ـ شەهید سەرکار
٦ـ شەهید گەرمیان ئەحمەد
۷ـ بیلال ئەحمەد
۸ـ ئومێد جەلال