لە کاتێکدا لە هەندێک ناوەندی حکومی و پەرلەمانی کورد مەترسی هەیە کە هەرێم بڕی ١٢٠ ملیار دینار مانگانە نەدات بە بەغدا، بەڵام لەسەر ئەم پرسە بەغدا دڵنیای دەدات.
رۆژی پێنج شەممە ٢ ی تشرینی یەکەم محەمەد تەمیم، جێگری سەرۆک وەزیران و وەزیری پلاندانانی عێراق ڕایگەیاند” هیچ بەربەستێک لەبەردەم مووچەی فەرمانبەرانی هەرێمی کوردستاندا نەماوە و داهاتی نانەوتی کێشەی گەورە دروست ناکات و زوو چارەسەری ئەو بابەتەش دەکرێت”.
ئەمڕۆ دانا عەبدولکەریم، وەزیری ئاوەدانکردنەوە و نیشتەجێکردنی حکومەتی هەرێم بە میدیای پارتی راگەیاند، “لە کۆبوونەوەی دوێنێ ئەنجوومەنی وەزیران بە کۆی دەنگ، وەزارەتی دارایی سەرپشک کرا کە مانگانە لە داهاتی ناوخۆ، ١٢٠ ملیار دینار بۆ گەرەنتی مووچە کە دەبێت رەوانەی بەغدا بکرێت بلۆک بکات، تا مووچە کێشەی بۆ دروست نەبێت” .
مووچەی هەرێم
بەغدا
داهاتی نانەوتی