گراهام ئارنۆڵد، ڕاهێنەری هەڵبژاردەی عێراق لەکۆنگرەیەکی رۆژنامەوانیدا باسی یاریەکەی سبەی سعودیەی کرد لە یاری پلەی ئۆفی پالاوتنی مۆندیال کە رۆژی سێشەممە کاتژمێر 10:30خولەک ئەنجام دەدرێت.
ئارنۆڵد وتی: سبەی یارییەکی تایبەتە، ئێمەش بەوپەڕی چاوەڕوانییەوە چاوەڕێی دەکەین. ئامادەبوونی میدیاکان لێرە زۆرە و گوزارشت لە گرنگی یارییەکەی دەکات
گراهام ئارنۆڵد لەسەر ئامادەبوونی ئەیمەن حسێن وتی ،ئەو “ئامادەیە” بۆ یارییەکەی سبەی سعودیە.
لەکۆتایدا گراهام ئارنۆڵد رایگەیاند:فشارەکان “زیاترن” لەسەر هەڵبژاردەی سعودیە نەک لەسەر ئێمە.
ئەمە بەشێکی ترە لە لێدوانەکانی..
.گراهام ئارنۆڵد: لە قەبارەی جەماوەرەکەوە تێدەگەین کە یارییەکە زۆر نایاب دەبێت، ئێمەش ئامادەین بۆی.
فشارەکان لەسەر هەڵبژاردەی سعودیە زیاتر دەبن، بەتایبەتی بە ئامادەبوونی هاندەرەکانیان. ئەوان دوو شێوازی بیرکردنەوەیان هەیە: بردنەوە یان یەکسانبوون، بەڵام ئێمە تەنها یەک ڕێگامان هەیە: بردنەوە.
ڕاستە ئێمە پلەی کۆتایی پلەی ئۆفمان مسۆگەر کردووە، هەروەها فشاری فیفا و میدیاکان و هاندەرانی سعودیە هەیە، بەڵام ئەم فشارە لەسەر ئەوان زیاترە لەوەی لەسەر ئێمە هەیە.
زیدان ئیقبال یاریزانێکی خەیاڵییە و ماوەیەکە لە پێکهاتەکەدایە، لە کاتێکدا باقی یاریزانەکان ئامادەن ڕووبەڕووی سعودیە ببنەوە.
ماوەی نێوان ئەو دوو یارییە کەم بوو، بەڵام ئێمە قووڵییەکی زۆرمان لە پێکهاتەکەدا هەیە، ئەمەش توانای ئەوەمان پێدەبەخشێت کە چەند گۆڕانکارییەک بکەین بەهۆی کوالێتی یاریزانەکانەوە.
ئەزموونێکی بەرفراوانم لەم بوارەدا هەیە، هەر یارییەک ئامادەکاری بۆ دەکەم بۆ من گرنگە، بەڵام یارییەکەی سبەینێ پەیوەندی بە تەواوی میللەتێکەوە هەیە.
بۆ یاریزانەکان ئەمە گرنگترین خاڵە لە ژیانی وەرزشیدا. سەبارەت بە منیش بەهۆی جیاوازی زمانەوە ئەو شتانەی لە میدیای عێراقی یان ئوسترالیا دەگوترێ پەیڕەوی ناکەم.
ڕینارد ڕاهێنەری هەڵبژاردە گەورەکان بووە، ئەگەر ئەم یارییە بە گرنگترینی ژیانی وەرزشی خۆی بزانێت، ئەوا فشارەکان لەسەری زیاتر دەبن.
ئەیمەن حسێن لە داهاتوودا ڕاهێنەرێکی گەورە دەبێت، و ئامادەیە بۆ یارییەکەی سبەی.
لە وەڵامی پرسیارێکی میدیای سعودیەدا: من ڕێز لە هەڵبژاردەی سعودیە دەگرم، بەڵام وەسفکردنی ئەم یارییە بە گرنگترین یاریی لە ژیانی وەرزشی ڕینارد، سەرەڕای مێژووی دوور و درێژی، وەک زیادەڕەوییەک دەیبینم. لە ژیانی وەرزشیدا یاری گەورەتری ئەنجامداوە.
هیوادارم ناوبژیوان کارتە سوورەکان لە گیرفانی خۆیدا بهێڵێتەوە.