ئینریکی نهێنی بردنەوەکەی ئاشکراکرد

لەکۆنگرەیەکی رۆژنامەوانیدا لویس ئینریکی ستایشی یاریزانەکانی کرد دوای ئەوەی توانیان2-1لە بەرشەلۆنە ببەنەوە لە چامپیۆنسلیگ

لویس ئینریکی لەسەر بردنەوەکە وتی: پێموایە ئەمڕۆ یارییەکی نایابمان بینی،سەرسامم بە ئەنجامەکە، بەڵام پێموایە کاتێک دەبینیت دوو تیپ بەبێ فاوڵ یان یاری زبر یاری دەکەن، چونکە یاریزانی کوالیتیمان هەیە، بەڵام هەوڵدەدەن بە تۆپ ئازاری یەکتر بدەن، پێموایە یارییەکە زۆر تەواو بوو.

وتیشی لە گێمی یەکەمدا، تا گۆڵیان تۆمارکرد، لە ئێمە باشتر بوون، بەڵام دوای ئەوەی گۆڵمان تۆمارکرد، چاک بووینەوە… نونۆ پاسێکی نایابی دا و توانیمان پێشەنگی یارییەکە لە لای چەپەوە بگرین،پێموایە گێمی یەکەم یەکسان بوو، بەڵام لە گێمی دووەمدا، پێموایە ئێمە باشتر بووین.

ئینریکی راشیگەیاند: ئەمڕۆ یارییەکی تەواوم بینی. دوو تیپ کە پەنا نابەنە بەر یاری فاوڵ، بەڵکو یاری تۆپی پێی ڕاستەقینە دەکەن،پێدری و ڤیتینها باشترین یاریزانی ناوەڕاستی جیهانن بێ گومان پێدری ئەمڕۆ زەحمەتی زۆری بۆ دروست کردین. زۆر قسەمان لەسەر ئەوە کرد. زۆر قورسە، بەڵام پێموایە یاریکردن بەرامبەر ئەم یاریزانانە زۆر نایاب و سەرنجڕاکێشە. ئەوان ئیلهامبەخشن لە من و تیمەکەمدا ئارەزووی سەرکەوتن، ئارەزووی باشتربوون هەیە.

لەکۆتایدا وتی: ئەمڕۆ لەگەڵ زۆرێک لە یاریزانە گەنجەکانی ئەکادیمیا یاریمان کرد، تەمەنیان ١٧ و ١٨ ساڵ بوو، زۆر خۆشە کە تیپێکی لەم شێوەیەمان هەبێت.