بەگوێرەی ڕۆژنامەی ئەی ئێس ئیسپانی، بەیانی ئەمڕۆ یانەی ڕیال مەدرید مەشقێکی سوکی لە یاریگای ڤاڵدیبیباس لە مەدرید ئەنجامدا، تیایدا تیشکی خستە سەر ڕاکردن و لێدان. ئەمەش بەشێکە لە پلانی چابی ئەلۆنسۆ بۆ پشوودانی یاریزانەکانی پێش یارییەکەی داهاتووی لیڤانتی.
ڕاهێنەرە ئیسپانییەکە بەهۆی فشاری یارییەکانەوە کارکردن بۆ توانای جەستەیی کەم دەکاتەوە. تیمەکە کەمتر لە ٤٨ کاتژمێر لەمەوبەر یاریی کردووە و کەمێک زیاتر لە ٣٠ کاتژمێری تر دەگەڕێتەوە بۆ ڕکابەرییەکان، ئەمەش وایکردووە بەڕێوەبردنی هەوڵە جەستەییەکان لەم هەفتە سەرقاڵیانەدا زۆر گرنگ بێت.
سێ یاریزانە ئامادەنەبووەکە بەردەوامن: ترێنت ئەلێکساندەر ئارنۆڵد (پێکان لە بڕبڕەکانی پشت)، ئەنتۆنیۆ ڕودیگەر (پچرانی ماسولکەکان) و فێرلاند مێندی (پێکان لە ڕان).
بڕیارە سبەی هویسن بگەڕێتەوە دوای تەواوکردنی سزای سڕکردنەکەی.
ئیدواردۆ کاماڤینگا و جود بێلینگهام و ئەندریک وردە وردە توانای جەستەییان بۆ دەگەڕێتەوە، بەڵام پێدەچێت بەشداریکردنین وەک یاریزانی سەرەکی بەدوور بزانرێت، بەتایبەتی کە تەنها پێنج ڕۆژ ماوە بۆ یاری دێربی مەدرید، ئەمەش ئەو مەشقە سووکانە ڕوون دەکاتەوە کە ئەلۆنسۆ هەڵیبژاردووە.