وەزارەتی پەروەردەی هەرێم ئەنجامی خوولی دووەمی تاقیكردنەوەی پۆلی 12ی ئامادەیی ڕاگەیاند.
وەزارەتی پەروەردە لە ئاگادارییەكدا ئاماژەی بەوەكردووە، خوێندکارانی پۆلی ۱۲ی ئامادەیی لەئیستادا دەتوانن ئەنجامی تاقیکردنەوەکانی خولی دووەم ساڵی خوێندنی ٢٠٢٤-٢٠٢٥ لە ئەپلیکەیشنی ئی هەڵسەنگاندن (e-halsangandn) لەسەر هەردوو سیستەمی کارپێکردنی Android و IOS وەربگرنەوە.
ڕاشیگەیاندووە، کار لەسەر دواین ڤێرژنی ئەپدەیتکراوی ئەپڵیکەیشنەکە بکەن و پەڵپ (اعتراچ) لە ڕۆژی چوار شەممە ڕێکەوتی ۱۰ی۹ی۲۰۲٥ دەست پێدەکات تاکو ڕۆژی دوو شەممە ڕێکەوتی ۱٥ی۹ی۲۰۲٥ ، خوێندکاران دڵنیادەکەین بەوردی کار لەسەر پەڵپەکان دەکەین.
ئاماژەی بەوەشداوە، دوای ڕاگەیاندنی ئەنجام خوێندكاران دەتوانێت لە پاش کاتژمێر ١١ ی شەوەوە لە ڕێگەی ئەم لینکەوە فۆرمی وەڵام (سۆما)ی سەرجەم ئەو بابەتانەی تاقیکردنەوەی تێدا ئەنجام داوە ببینێت.