جیهاد محمد ئیبراهیم
لە کاتێکدا ناوچەکە لەسەر لێواری تەقینەوەیە و ئەمریکا و ئێران خەریکی یەکلاییکردنەوەی حیساباتی خۆیانن، لای ئێمەش “سوارچاکەکانی سۆشیاڵ میدیا” وێنەی مۆدێل و فاشیۆن بڵاودەکەنەوە و دەڵێن: “پاراستنی کوردستان ئەرکی منە!”
کامیان دەپارێزن؟ ئەو نیشتمانەی کە نیوەیتان فرۆشت و نیوەکەی تریشتان کردووە بە مەیدانی جەنگی وەکالەت؟
پارتی و یەکێتی وەک دوو کارەکتەری ناو فیلمێکی کۆمیدی، یەکیان لە ژێر سێبەری تاران و ئەوی تریان لە باوەشی ئەنقەرە و واشنتۆن، خەریکی موزایەدەی نیشتمانپەروەریین. لە ڕاستیدا ئەوەی دەیپارێزن نە خاکی کوردستانە و نە کەرامەتی میللەت، بەڵکو تەنها ئەو “کۆمپانیا و بازرگانی و پۆستانەیە” کە لەسەر خوێنی ئەم خەڵکە بەدەستیان هێناوە.
باسی جەنگ دەکەن؟ ئێوە جەنگی “نان و کارەبا و مووچە”تان لە خەڵک بردەوە، ئێستا دەتانەوێت لە جەنگی زلهێزەکاندا ببنە قارەمان؟
ئەو کوردستانەی ئێوە باسی دەکەن تەنها لە “تەلەفزیۆنە ڕەنگاوڕەنگەکانتان”دا بوونی هەیە، ئەگینا ئەوەی لەسەر ئەرز هەیە:
• نیشتمانێکی بێ خاوەن.
• گەنجێکی بێ ئومێد.
• و دەسەڵاتێکی دیکتاتۆر کە تەنها لە بەرامبەر میللەتەکەی خۆیدا شێرە!
بەسە کات کوشتن بە عەقڵیەتی “پڵنگی ڕەش” و سێڵفی سەربازی، چونکە مێژوو بە وێنەی فەیسبووک نانووسرێتەوە، بەڵکو بەو خیانەتانە دەنووسرێتەوە کە بە ناوی پاراستنی کوردستانەوە دەیکەن.