سەرۆک هۆزە عەرەبەکانی سووریا بەگەرمی پێشوازیان لە پەیامەکەی ئۆجەلان کرد ووتیان” هزر و ئایدۆلۆژیای ئۆجەلان بنەمای سەرەکی پرۆژەی بەڕێوەبەرایەتی خۆسەرییە”.
لە وەڵامی پەیامەکەی عەبدوڵا ئۆجەلان رێبەری زیندانیکراوی پەکەکە ، پێنج هۆزەی عەرەبیی لە ڕۆژئاوای كوردستان رایانگەیاند” هزر و ئایدۆلۆژیای عەبدوڵڵا ئۆجالان کە بانگێشتی ئاشتی پێکەوەژیان دەکات، بناغەیەکی سەرەکییە کە ئەزمونی بەڕێوەبەرایەتی خۆسەری لەسەر دروست بووە و بونیادنراوە”.
راشیانگەیاند” ئەوان شانازیی قوڵی خۆیان دەربارەی پرۆسەی چارەسەری دیموکراسی دەربڕیوە، کە ئێستا هەیە و لەلایەن هێزەکانی سووریای دیموکراتەوە بەرجەستە بووە”.
هۆزە عەرەبەکان ئەوەشیان خستەڕوو، کە پرۆسەی چارەسەری کۆڵەکەی سەقامگیرییە بۆ گەلانی ستەملێکراو و پایەیەکی بنەڕەتیشە لەڕووبەڕوبونەوەی عەقڵیەتی دورخستنەوە و وەدەرنان لەگەڵ هەوڵدان بۆ چاندنی ناتەبایی و دووبەرەکی.
رۆژی ١٥ی ئەم مانگە، پەیامەکەی عەبدوڵڵا ئۆجالان ڕادەستی سەرۆک هۆزە عەرەبەکانی سووریا لەناوچەکانی جزیرە، دێرەزۆر، ڕەققە و تەبقە کرا، كەتێیدا، جەخت لەسەر گرنگی یەکێتی و پاڵپشتی لەکورد لەسەر بنەمای نەتەوەیی دیموکراتیک كرابوەوە.
ئۆجەلان
رۆژئاوای کوردستان