وەزیری بەرگری ئەمریکا ڕۆژی هەینی واژۆکردنی ڕێککەوتننامەی چوارچێوەی بەرگریی ١٠ ساڵەی لەگەڵ هیندستان ڕاگەیاند. ئەم ڕێککەوتنە دوای ئەوەی هێگسێت لەگەڵ هاوتا هیندییەکەی، ڕاجنات سینگ لە کوالالامپور کۆبووەوە، ڕاگەیەندرا.
هێگسێت دوای واژۆکردنی ڕێککەوتنەکە بە ڕۆژنامەنووسانی ڕاگەیاند” ئەمە هەنگاوێکی بەرچاوە بۆ پێشەوە بۆ سەربازییەکانی هەردوو وڵات، هەروەها نەخشەڕێگایەکە بۆ هاوکاریی قووڵتر و تەنانەت مانادارتر لە داهاتوودا”.
لە بەرامبەردا وەزیری بەرگری هیندستان ستایشی “کۆبوونەوە بەرهەمدارەکەی” لەگەڵ هاوتا ئەمریکییەکەی کرد و وتی ڕێککەوتنەکە دەبێتە هۆی دەستپێکردنی “سەردەمێکی نوێ” بۆ پەیوەندییە بەرگرییەکانی هیندستان و ئەمریکا.
ئەم ڕێککەوتنە لە کاتێکدایە کە هەردوو وڵات هەوڵی چارەسەرکردنی گرژییە بازرگانییەکان دەدەن، دوای ئەوەی دۆناڵد ترەمپ باجی لەسەدا ٥٠ی بەسەر هیندستاندا سەپاند، لەنێویاندا سزای لەسەدا ٢٥ لەسەر نەوت و چەکی ڕووسیا.
هێگسێت و سینگ لە یەک کاتدا سەرنجیان لەسەر کۆتاییهێنان بە گرێبەستێکی بازرگانی تا مانگی نۆڤەمبەرە.
پەیوەندی بەرگری هیندستان و ئەمریکا لەم دواییانەدا پەرەی سەندووە. لە میانی کۆبوونەوەی مانگی شوباتی سەرۆک وەزیران نارێندرا مودی لەگەڵ ترەمپ، هەردوولا ڕێککەوتن لەسەر فرۆشتنی ملیارەها دۆلار لە ئامێری سەربازی، لەنێویاندا فڕۆکەی جەنگی دزێوی
F-35.
هەرچەندە ڕووسیا وەک گەورەترین دابینکەری چەک لە هیندستان دەمێنێتەوە، بەڵام پشکی لە هاوردەکردنی بەرگری دەهلی لە دابەزیندایە، لەکاتێکدا هیندستان لەم دواییانەدا ئامادەیی خۆی نیشانداوە بۆ زیادکردنی کڕینی وزە و بەرگری لە ئەمریکا.
ئەمریکا
هیندستان