خوێندراوەتەوە: (1.2K)
وەزیری دارایی عێراق واژۆی لەسەر خەرجکردنی مووچەی مانگی تەممووزی هەرێمی کوردستان کرد کە بڕەکەی زیاترە لە تریلیۆنێک دینار.
میدیای پارتی لە زاری سەرچاوەیەکی باڵا لە وەزارەتی دارایی عێراقەوە بڵاویکردەوە کە ئەمڕۆ سێشەممە ٣٠ی ئەیلول تەیف سامی، وەزیری دارایی عێراق، واژۆی لەسەر خەرجکردنی مووچەی مانگی تەممووز (حەوت)ـی فەرمانبەرانی هەرێمی کوردستان کرد کە سەرووی یەک تریلیۆن دینارە.”
سەرچاوەکە ئاماژەی بەوەش کرد کە چاوەڕێ دەکرێت هەر ئەمڕۆ سێشەممە، وەزارەتی دارایی فیدراڵ، مووچەکە بخاتە سەر هەژماری بانکیی وەزارەتی دارایی و ئابووریی حکوومەتی هەرێمی کوردستان لە لقی هەولێری بانکی ناوەندیی عێراق.
تەیف سامی
مووچە