میدیایەکی ناسراوی ئیسرائیلی ئاشکرای دەکات، ئێران سەرقاڵی بەهێزکردنەوەی سەربازی و سیخوڕی ” بەرەی بەرگرییە ” لەو وڵاتانەی کە پێشتر تیایدا بەهێزبوو.
کەناڵی ١٤ی ئیسرائیل لە ڕاپۆرتێکدا ئاماژە بە کوژرانی ( هەیسم عەلی تەباتەبایی) دەدات کە کەسی ژمارە دووی حزبوڵڵای لوبنانەو، نووسیویەتی ” ئێران لە بەرامبەر تاقیکردنەوەیەکی ستراتیژیدایە”.
کەناڵەکە باس لەوەش دەکات، گورزەکانی ئەم دواییەی ئیسرائیل لە حزبوڵڵا و هێزەکانی سەر بە ئێران لە ناوچەکەدا، ئێرانی ناچار کردووە بۆ ئەوەی هەژموونی خۆی لەسەر ناوچەکە لە دەست نەدات، ” دژەکردەوەیەکی وریایانەی هەبێت”.
” ئێران دوای ئەم هێرشانەی ئیسرائیل، خەریکی گواستنەی چەک، نۆژەنکردنەوەی دامەزراوە زیانلێکەوتووەکان و بەهێزکردنی تۆڕی سیخوری و هەواڵگری خۆیەتی لە ناوچەکەدا”.( کەناڵ ١٤ وا دەڵێت).
هەروەها کەناڵ ١٤ ی ئیسرائیلی دەشڵێت ” هاوکات هەوڵ هەوڵ دەدات ژێرخانەکانی حزبوڵڵا و ھاوپەیمانەکانی لە سووریا، عێراق، یەمەن و تەنانەت بەشێک لە ئەفریقاش نۆژەن بکاتەوە و لەم رێگەیەوە بەشێک لە توانای لەدەستچووی ئەم گرووپانە بگەڕێنێتەوە”.
لە دوای رووخانی ئەسەدەوە ساڵی رابردوو پاشکەشەکانی حەماس و حزبوڵا، ئاماژەکان ئەوە دەردەخەن کە ئێران لە رووی سەربازی و سیخوڕیەوە هەژموونێکی زۆری لە دەستداوە، بەپێی راپۆرتی ئەم میدیایە سەرلەنوێ ئەو حکومەتی ئەو وڵاتە دەیەوێت ئەوەی لە دەستیداوە بیگەڕێنێتەوە.
میدیا ئیسرائیلی
ئێران
خۆبەهێزکردنەوە